Նկարագրություն

Ֆելոյի մասին, ավելի ճիշտ` հին Ֆելոյի մասին)) ..Ֆելոն միջին վիճակագրական տղա է, որ հագնում է Հայաստանի զինանշանով շապիկ ու ծխախոտը երբեմն նետում ասֆալտին։ Նա հատուկ առիթներին ոտքի է կանգնում զինվորի կենացը խմելիս, իսկ սովորական աշխատանքայիններին իր արհեստանոցին կից փոքրիկ վաճառասեղանի հաճախորդին հայացքով թեթև զննելուց հետո ցածրաձայն հարցնում․ «Ախպերս հարկայինից չես,...

Ֆելոյի մասին, ավելի ճիշտ` հին Ֆելոյի մասին)) ..Ֆելոն միջին վիճակագրական տղա է, որ հագնում է Հայաստանի զինանշանով շապիկ ու ծխախոտը երբեմն նետում ասֆալտին։ Նա հատուկ առիթներին ոտքի է կանգնում զինվորի կենացը խմելիս, իսկ սովորական աշխատանքայիններին իր արհեստանոցին կից փոքրիկ վաճառասեղանի հաճախորդին հայացքով թեթև զննելուց հետո ցածրաձայն հարցնում․ «Ախպերս հարկայինից չես, չէ՞, որ չեկ չխփեմ հո չե՞ս նեղվի, ցավդ տանեմ»։ Ֆելոն մագնիսի պես իր շուրջն է հավաքում ընկերներին, բոլորին օգնության հասնում՝ ըստ ունեցածի ու ունակության, ու չի մոռանում ամեն ամիս ստուգել՝ ջրաչափի մագնիսը հո տեղից չի շարժվել։ Ֆելոն ֆլիրտ սկսելիս մոտենում է աղջկան ու դիմում «քույրիկ ջան» կոչականով, ու սա իր մոտ դիսոնանս չի առաջացնում, Ֆրոյդի մասին էլ քիչ բան գիտի։ Նա մի քանի լուծարքից «փրկվեց» իրենց կուրսի Անահիտի սարքած «շպարգալկաներով», բայց ամեն անգամ բակում առանց մի շպարգալկայի նայելու հստակ գծում է «երկիրը երկիր չի»-ից Շվեյցարիայի պես զարգացած երկիր դառնալու ուղին։ Ֆելոն միջին վիճակագրական տղա է ու կմնա այդպիսին, քանի դեռ միջին վիճակագրական մարդու արժեքներն ընտրովի ու խիստ հարաբերական տրամաբանության մեջ են մնում։