Նկարագրություն

Գիրքը երեք տարբեր խառնվածքի մարդկանց ապրումների մասին է, որոնց միավորում է անպատասխան սերը մեկը մյուսի հանդեպ։ Սիրային եռանկյունին հետաքրքիր է նրանով, որ կողմերից յուրաքանչյուրը կյանքի մի փուլում կանգնում է ապագան իր ուզածի նման դասավորելու հարցի առաջ։ Մեկին համարձակությունն է պակասում, ինչի արդյունքում ո՜չ առաջ գնալ է ստացվում, ո՜չ անցյալի թելերը...

Գիրքը երեք տարբեր խառնվածքի մարդկանց ապրումների մասին է, որոնց միավորում է անպատասխան սերը մեկը մյուսի հանդեպ։ Սիրային եռանկյունին հետաքրքիր է նրանով, որ կողմերից յուրաքանչյուրը կյանքի մի փուլում կանգնում է ապագան իր ուզածի նման դասավորելու հարցի առաջ։ Մեկին համարձակությունն է պակասում, ինչի արդյունքում ո՜չ առաջ գնալ է ստացվում, ո՜չ անցյալի թելերը բաց թողնել, մյուսին խանգարում է մեղքի զգացումը, որը տեղ չի թողնում այլ զգացմունքների համար, իսկ երրորդը դժվարությամբ, բայց կարողանում է ընդունել իրականությունն այնպիսին, ինչպիսին կա, և առանց դրանից փախչելու փորձում է նոր կյանք սկսել։ Ինչպե՞ս կարող է սկզբունքներին զոհ գնալը, ապա մտերիմ մարդու հետ անկեղծ չլինելը միանգամից մի քանի կյանք տանել այլ ճանապարհով, կամ կարելի" է արդյոք առանց սիրո բավական ժամանակ ապրել մեկի հետ ու նրան կորցնելուց հետո միայն զգալ, որ սիրում ես ամբողջ սրտով։ Հնարավո՞ր է հիասթափվելուց հետո նույն մարդուն նորից սիրել, և ինչի՞ համար մնալ մի մարդու կյանքում, ում կողքին ժամ առ ժամ սպառվում ես, երբ ամեն անցնող վայրկյանդ հնարավորություն է նոր կյանք սկսելու ու թեկուզ մենակ երջանիկ լինելու։ Ինչպե՞ս դուրս գալ իրավիճակից, որից թվում է, թե ելք չկա, ու ինչպես հաղթահարել խնդիրները՝ ընդունելով դրանք որպես կյանքի մարտահրավերներ։ Այս հարցերի շուրջ են զարգանում գրքի հիմնական գործողությունները։