Նկարագրություն

Կյանքի իմաստի վերաբերյալ կան բազմաթիվ մոտեցումներ` սկսած «իմաստ» բառի վերլուծությունից, մինչև նրա խորքային նշանակության ուսումնասիրությունը։ Շատ կարևոր է հասկանալ մարդու մոտ կյանքի իմաստի առկայության և բացակայության դերն ու հետևանքները։ ֆրանկլը կյանքի փորձի դիտարկումներից և կլինիկական դեպքերի վերլուծությունից եզրահանգում է, որ ապրելու և ակտիվ գործելու համար անհրաժեշտ է, որ մարդը հավատա...

Կյանքի իմաստի վերաբերյալ կան բազմաթիվ մոտեցումներ` սկսած «իմաստ» բառի վերլուծությունից, մինչև նրա խորքային նշանակության ուսումնասիրությունը։ Շատ կարևոր է հասկանալ մարդու մոտ կյանքի իմաստի առկայության և բացակայության դերն ու հետևանքները։ ֆրանկլը կյանքի փորձի դիտարկումներից և կլինիկական դեպքերի վերլուծությունից եզրահանգում է, որ ապրելու և ակտիվ գործելու համար անհրաժեշտ է, որ մարդը հավատա իր արարքների իմաստին․ այն մեզ դարձնում է ակտիվ, հոգեպես առողջ։ Կյանքի իմաստավորվածությունը շատերը կապում են նաև կյանքի բավարարվածության աստիճանի և հոգեկան առողջության հետ։ Ֆրանկլն ասում էր, որ մարդը պետք է ոչ թե ստեղծի իմաստը, այլ գտնի այն, քանի որ եթե նա ստեղծում է իմաստը, ապա այն կեղծ է։ Ըստ նրա՝ յուրաքանչյուր իրավիճակ իր մեջ իմաստ է պարունակում, և մարդը պետք է փնտրի ու գտնի այն։ Կյանքի իմաստը օբյեկտիվ է, քանզի մենք չենք հնարում այն, մենք այն գտնում ենք արտաքին աշխարհում, տվյալ պահում, տվյալ իրավիճակում։ Իմաստը չի կարելի վերցնել ուրիշից, ինչպես նաև ուրիշը չի կարող սահմանել քո կյանքի իմաստը, քանի որ յուրաքանչյուր մարդու համար իմաստը տարբեր է, յուրահատուկ և անկրկնելի։ Յուրաքանչյուր իրավիճակ, լինի դա տառապալի, ցավոտ, ուրախ կամ զվարճալի, նույնիսկ՝ ձանձրալի, միևնույն է, պարունակում է իմաստ, որը պետք է գտնել։