Նկարագրություն

«Ազատագրված հիսուն երանգները» Է. Լ. Ջեյմսի «Մոխրագույնի հիսուն երանգներ» եռապատման երրորդ և վերջին մասն է, որը պատմում է Քրիստիան և Անասթեյշա Գրեյների ընտանեկան կյանքի մասին։ Վեպը ներառված է 2012 թվականի լավագույն բեսթսելլերների ցանկում՝ ըստ Publishers Weekly-ի: «Ազատագրված հիսուն երանգները» գրքի իրադարձություններն սկսվում են Անաստեյշայի և Քրիստիանի հարսանիքից, որից հետո նրանք...

«Ազատագրված հիսուն երանգները» Է. Լ. Ջեյմսի «Մոխրագույնի հիսուն երանգներ» եռապատման երրորդ և վերջին մասն է, որը պատմում է Քրիստիան և Անասթեյշա Գրեյների ընտանեկան կյանքի մասին։ Վեպը ներառված է 2012 թվականի լավագույն բեսթսելլերների ցանկում՝ ըստ Publishers Weekly-ի: «Ազատագրված հիսուն երանգները» գրքի իրադարձություններն սկսվում են Անաստեյշայի և Քրիստիանի հարսանիքից, որից հետո նրանք մեկնում են հարսանեկան ճանապարհորդության։ Նրանց երթուղին անցնում է Լոնդոնով, Փարիզով, իսկ մեղրամիսի վերջնական կետը դառնում է Ֆրանսիայի հարավը։ Ի դժբախտություն նորապսակների՝ նրանց ճամփորդությունը պետք է ընդհատվի «Grey Enterprises»-ի հետ կապված միջադեպի պատճառով։ Անասթեյշան և Քրիստիանը վերադառնում են Սիեթլ։ Ճանապարհորդությունից հետո առաջին աշխատանքային օրը Անան իմանում է, որ իր բացակայության ընթացքում SIP-ի (Seattle Independent Press) ղեկավարությունը որոշում է կայացրել նրան նշանակել գլխավոր խմբագիր։ Քրիստիանը Անային որպես հարսանեկան նվեր մատուցում է ամառանոց, որը նրան դուր էր եկել զբոսանավով ճամփորդելիս։ Սակայն շուտով ամուսինների վրա ամպեր են կուտակվում. նորաթուխ տիկին Գրեյի կյանքը վտանգված է, քանի որ հայտնվում են նրանց անցյալի թշնամիները, որը պատրաստվում է վրեժխնդիր լինել՝ օգտագործելով իր «հարուստ» երևակայությունը։ «Ազատագրված հիսուն երանգները» ֆիլմի նկարահանումներն անցկացվել են երկրորդ ֆիլմի նկարահանումներին զուգահեռ։ Նկարահանվել է Վանկուվերում (Կանադա), Փարիզում և Նիսում, պանորամային նկարահանումներն անցկացվել են Սիեթլում (Վաշինգտոն նահանգ) և Ասպենում (Կոլորադո նահանգ)։